सोलापूर , 14 मे (हिं.स.) सांगोला येथे राष्ट्रवादीचे अध्यक्ष शरद पवार, काँग्रेसचे प्रदेशाध्यक्ष नाना पटोले यांच्याहस्ते नूतन आमदार रवींद्र धंगेकर यांचा सत्काराचा कार्यक्रम लोणारी समाजातर्फे संपन्न झाला. कार्यक्रमाचे निमित्त जरी सत्काराचे असले तरी चर्चा मात्र राष्ट्रवादी काँग्रेस व शेकाप पक्षाच्या फायद्या – तोट्याची व काँग्रेसच्या गटबाजीची सुरू झाली आहे.
सांगोला येथे लोणारी समाजातर्फे कसबा पेठेतून निवडून आलेले आमदार रवींद्र धंगेकर यांचा सत्कार राष्ट्रवादीचे अध्यक्ष शरद पवार व काँग्रेसचे प्रदेशाध्यक्ष नाना पटोले यांच्या हस्ते नुकताच संपन्न झाला. लोणारी समाजातर्फे हा सत्कार असला तरी राष्ट्रवादी काँग्रेसचे प्रदेश उपाध्यक्ष व माजी आमदार दीपक साळुंखे पाटील यांनी या कार्यक्रमाला सुरुवातीपासूनच पाठबळ दिले होते आणि यासाठी विशेष पुढाकार घेतला होता.
हिंदुस्थान समाचार
Leave a Reply